噚日,去元朗搵晴姊行街食飯兼shooping~
本來想食lunch,可惜原來間餐廳會落場呢....所以唯有等到5:30,先有得食~
一直都聽晴姊講呢間餐廳啲刺身好新鮮好好食.....可惜原來真係得刺身先好食~其他真係...........好有家庭feel

"炸蝦反卷"啲飯超散~幾乎夾唔起....啲蝦又下落不明.....

"豬扒蛋飯"塊扒可以話只得粉,飯又無味,洋蔥又非常生,食完淨係覺成口洋蔥味

最好食嘅係手卷,鰻魚手卷有大約1/3條鰻魚,三文魚手卷則有4大塊三文魚,仲非常新鮮,一啲腥味都無,連我呢個唔食魚生嘅人都食咗一塊,仲大叫好味添
去完呢間餐廳嘅結論係------淨食魚生,壽司好啦(大份又新鮮)但唔好叫其他嘢囉~會好失望嫁

 早幾日,比隻貓咬到個隻手,發炎發到又痛又腫,又有膿,超級好恐怖,最後一向怕睇醫生嘅我都係要去醫生度報到卟先好得番~(唓~早知一整親就去啦,我之前嘅忍耐真係白費咗)我0個日睇嘅何醫生0係我住個區好有名,出晒名多人睇,出晒名睇一次斷尾,出名遲放工,仲出晒名多嘢講...特別係講好笑嘢.....
本來我呢種比人晨早叫醒睇醫生,加上每朝有慣性低血壓嘅人嚟講,應該會成朝"吱"都唔笑....可惜我嘅對手係何醫生...佢實在太好笑....以下係我同佢嘅對話---
我"醫生,早晨."(我完全唔知個醫生0係邊...)
何"你隨便坐呀"(突然閃出)
何"妳邊度唔舒服?"
我"隻手比屋企隻貓咬,依家發緊炎,又有膿."(冷冷地)
何"好彩唔係比流浪貓咬,唔係就要打針~~~"
我"......"(我其實驚緊....)
何"0華~咬到妳咁,好慘喎~不過唔洗驚,我0地攞藥水~消毒~消毒~消毒"(後面0個幾句佢由中音至高音咁唱出嚟.....)
何"消毒~消毒~消毒~"(跳住舞攞完藥水,唱住首消毒歌幫我消毒中)
我"醫生你同其他醫生好唔同,你開朗好多"(其實想問醫生點解你真係一刻都停唔到咁多嘢講?)
何"哈哈~我後生有活力呀嘛,我46歲幾後生呀~哈哈哈"
我"係囉.........."(其實仲O緊)
何"貼埋張膠布就o.k~o.k~o.k~"(又唱歌~~~)
我"醫生有無第2種膠布呀?你張膠布係好靚,但我用好似超咗齡呀~(阿pooh!?)
何"我0地做兒科呀嘛,0華,呢張係tigger喎,幾靚呀~~哎呀~呢張貼得唔靚,再貼過張先~~~"無奈地比醫生貼完膠布,醫生又唔知跳咗去邊.....醫生原來去咗攞銀包,然後打開個銀包比個身份證我睇"啦啦啦~我真係好後生嫁,62年出世,46歲做咗廿幾年醫生"
我真係服咗佢,同時亦忍唔住笑咗出嚟....
就0係我等攞藥時,何醫生竟然"線"住咁出房,仲攞住個排板出嚟帶個病人入去睇証~~~
其實何醫生都只係幫我消毒傷口同搽藥膏,但傷口就好似好番好多咁,咁係咪証明咗一個可以令病人放心同放鬆嘅醫生,絕對會起到絕佳嘅安慰作用?但肯定嘅係我以後有病都一定會搵番何醫生~

朋友b生日時,我送他的禮物,同時亦是我一生中第一次做的凍餅

當時是第一次整cake,心情難免有點擔心,怕失敗嘛但可幸做得相當成功,同時亦得到大家的喜愛~唯一美中不足的就是這張照片,因當時快到12點,擔心會過了朋友的生日,情急之下,連飯枱都未收拾,就點上爉燭,趕忙拿給朋友,導致連報紙亦攝入鏡中,我還真是失敗

還記得得一次留意準基的原因,是因為報紙上寫著他是比女人更漂亮的男人,當時我機於好奇看了那篇報導,大致就是說他比女人嫵媚,王的男人成韓國史上最買座電影,連韓國總統都去看什麼的,雖然我向來喜歡眼細長,長頭髮像女生的男人,但孔吉的造型實在太女人,不是我那杯茶,所以當時對他未有多加留意,直至偶然看了準基有份主演的"my gril"我的心才深深為徐正雨的深情及淚水所折服而成了他的fans.

雖知很多偶像於戲褢戲外完全是2個人,但能將一個角色詮釋得如此出色動人的男人他應該假不了,看他所演的徐正雨眼中充滿深情,流淚時眼中卻又如此悲傷,若非我知道自己是在看劇集,我還以這些真的是他的親身經歷,因我看見他眼中有愛,他看她的眼神像看一個他深愛的女人.這都是他在其後的電影/劇集時所沒有的,我總覺得他在其他作品中,看著女角時眼神比較冰冷,就是有點不來電的感覺...會是我多心了嗎?

真的很喜歡準基,喜歡他偭偭俱圓而又滴水不漏的說話方式,喜歡他時刻關心著愛他的fans,喜歡他關心社群的善心,喜歡他玩心很重但眼中卻又時刻綻放成熟男人的神采,真心希望這樣的一個男人,往後的日子中能事事如意,演藝之路能平平坦坦.

前段日子,my boy常嚷著想吃蛋撻,可惜"晚麻麻"邊度可以搵個新鮮出爐比阿仔?

好彩我0地有"毛娘廚房"~毛娘廚房實為本貓主理....點解會叫毛娘廚房,?要講都不知應從何說起,故省略...整撻去也~~

材料~

撻皮~牛油85g(室溫放軟),糖粉45g,雞蛋12(約1/4隻)麵粉170g,牛奶/淡奶/水8g

蛋漿~雞蛋160g,砂糖80g,牛奶/淡奶50g,清水210g

做法~

for撻皮~1)將已放軟牛油放盆心中,再加入麵粉拌勻,再加入雞蛋,牛奶,搓成麵糰,以保鮮紙包好,放入雪櫃雪10~15分鐘,雪好後擀壓成6mm的撻皮.

for蛋漿~2))將所有材料攪勻,以隔離篩隔去雜質,備用.

3)將撻皮放入撻模中,開始按壓,然後注入蛋漿,放入已預熱180度焗爐,焗15~20分鐘,即可.

害羞的向日葵

鐘情於花草也有一段時間了,總覺得看著他們心情總是舒暢點.由其當他們由一顆種子至開花結果時,那種開心喜悅的心情,更是筆墨難以形容的,相信這就是喜歡種花的人的心聲吧~

我家眾花草中,又以向日葵最深得大家喜愛,朋友們每每也想帶個2 盆回家,可能是她的花就像笑臉而且一身陽光氣色吧~

近年來一直使用notebook上網,喜歡它方便又不佔地方.但我相信唯一跟別人不同的是,我一直能忍受拉cable上網,直至連我都忘了弄壞多少條cable,被它拌跌了多少次,my boy最後把心一橫,第2天立刻買了個router回家,但無奈我家的它原來安裝不了......

就這樣WI-FI之事被我淡忘了數月,最近才於偶然機會下得知NETVIGATOR用戶可以以優惠價增置WI-FI服務,我不假思索就join了,但效果卻強差人意,速度慢得能與龜速比美,這對向來沒耐心的我簡直是人間悲劇,最後於無法忍受下我還是只能死死地氣拉cable上網

我真的希望可以盡快收到netvigator隻wi-fi手指,解決這個令我心煩氣燥的討厭問題.

噚晚my boy要應酬,所以屋企得番我一個,得一個人又好鬼肚餓時,我淨係諗到陪我一齊長大嘅出前一丁,條腸仔係近年先識加埋錢落去嘅,以前我淨係識食淨麵

其實我唔係特別鐘意食丁麵,亦覺得食完味精嘢後成晚都好口渴好煩,但每次食都會諗番起細個放學係屋企煮麵當午飯嘅往事,出前一丁麻油味,依然係細個嘅味道,只係人已經大個咗,好多嘢都同細個唔同囉,自從爸媽離婚後,我真係已經無乜家庭回憶,有嘅都係佢0地點樣想係my boy身上厄多啲錢嘅回憶.

人大咗更加知道錢好重要,我都好鐘意錢,但至少唔係最重要嘅,我身邊有人可以為咗同個有錢啲嘅男人一齊,而同一個相識多年好愛自己嘅男人分開,可以睇多咗啲醫生律師朋友,就覺得阿爸阿媽係低等人,長大後睇得太多呢啲事,先發現原本細個時傻傻戇戇個份純真有幾難能可貴.

個半月之前我嗰妹發現omi下排牙仔度有其中一隻甩咗,仲有2隻鬆吓鬆吓咁,本來仲以為獸醫會幫佢mok牙,但原來omi患咗類似貓愛滋(FIV)嘅免疫系統疾病,所以有時佢會打乞嚏,會成日大細眼,訓覺時會打鼻寒,我0地屋企個寶貝仔就因為咁而要keep住食藥同睇獸醫

幫omi睇症嘅係嚟自台灣嘅女獸醫潘醫生,其實淨係睇潘醫生個樣真係對佢無乜信心,因為佢個樣好細個,唔係好高(但都高過我),皮膚好白(係好好),而且仲一頭亂髮,如果當初唔係book唔到睇開個間診所,我估我真係唔會睇呢間,但事實証明係好彩我去咗呢診所,因佢0地收費合理,醫生同姑娘都係好親切同好有禮貌,仲醫好咗我隻狗狗,咁好自然地,omi一有事我就揾番潘醫生因為omi天生一個靚仔樣,加上肥嘟嘟,又乖又唔驚人,所以好快就俘虜晒診所女士們嘅心,輪住嚟抱都唔止,仲要攞埋相機影相留念,醫生仲話"okami唔好走住留多陣啦"就係咁,omi又多咗5個fans,傾談間先知道原來佢0地差唔多個個屋企有養貓,難怪見到狗莉莉同杞b會無咁熱情啦~~

今次omi去覆診依然好受歡迎,醫生見到佢就話"okami有好多fans"醫生姑娘們仲好好奇咁問點解可以將okami養到咁肥咁大隻,其實咪因為為食囉,我無論幾時見到都omi佢都係度食食食臨走前姑娘仲走出嚟問可唔可以抱吓okami見到咁嘅情影,我不禁覺得貓真係特別受女仔歡迎,難怪準基會有咁多女fans,因佢個樣真係生得好似貓仔,笑起嚟眼瞇瞇,就好似貓仔撒嬌咁好可愛

雖然omi咁受歡迎我呢個媽媽都叨到唔少光,但我都希望omi可以唔洗再去診所見佢啲fans,唔洗再日日食藥,快啲好番,做番我個健健康康人見人愛嘅乖仔啦

 

朝早唔想影相嘅omi

 omi嘅藥

 

 

雖然打blog已經興咗好耐,但我都好失禮地,噚日先係yahoo到打咗第一次blog~~~
以前再細啲嗰時都好鐘意玩icq,msn同chat room,但係一開始拍拖自然就寧願多啲陪my boy啦~有時同晴姊傾計但都會問我點解唔出去睇多嘢,問我覺唔覺拍咗拖之後好少再同朋友見面,又問我,我0地究竟有幾耐無一齊食過晚飯?佢咁問我,我真係無言...因為我以前好少可以同my boy見面,加上佢一有時間就真係比晒我,所以我覺得當佢為做到呢樣嘢時,我亦應為佢做到.不過自從晴姊經過那年的戀愛後,佢應該已經明白到鐘意一個人時,會想成日都同佢一齊,就算邊度都唔去,只係喺屋企睇碟同傾計都可以好開心.

我好慶幸自己唔係啲識交際維繫感情嘅人,都可以有晴姊呢個相識咗十年嘅朋友,多謝妳我無論有乜嘢事都好,妳依然會企係我嗰邊支持我,我唔開心嘅時候成日嚟我度陪我,半夜3~4點依然肯聽我電話吐苦水,妳令我覺得就算我朋友唔多,但有妳一個朋友已經足夠,老套啲我都要同妳講句"friendship forever"